1 Ee Mungu, ukisikie kilio changu,

Uyasikilize maombi yangu.

2 * Toka mwisho wa nchi nitakulilia ninapozimia moyo,

Uniongoze juu ya mwamba nisioweza kuupanda.

3 * Kwa maana ulikuwa kimbilio langu,

Ngome yenye nguvu adui asinipate.

4 * Nitakaa katika hema yako milele,

Na kupata kimbilio chini ya mbawa zako.

5 * Maana Wewe, Mungu, umezisikia nadhiri zangu.

Umewapa urithi wao waliogopao jina lako.

6 Utaziongeza siku za mfalme,

Miaka yake itakuwa kama vizazi vingi.

7 * Atakaa mbele za Mungu milele,

Ziagize fadhili na kweli zimhifadhi.

8 * Ndivyo nitakavyoliimbia jina lako daima,

Ili niondoe nadhiri zangu kila siku.