1 * Haleluya.

Israeli alipotoka Misri,

Na Yakobo katika watu wa lugha ya kigeni.

2 Yuda ilikuwa patakatifu pake,

Israeli milki yake.

3 * Bahari iliona ikakimbia,

Yordani ilirudishwa nyuma.

4 * Milima iliruka kama kondoo dume,

Vilima kama wana-kondoo.

5 Ee bahari, una nini, ndio ukimbie?

Yordani, ndio urudi nyuma?

6 Enyi milima, ndio mruke kama kondoo dume?

Enyi vilima, kama wana-kondoo?

7 Tetemeka, Ee nchi, mbele za uso wa Bwana,

Mbele za uso wa Mungu wa Yakobo.

8 * Augeuzaye mwamba kuwa ziwa la maji,

Jiwe gumu kuwa chemchemi.