1 * Haleluya.

Mwimbieni BWANA wimbo mpya,

Sifa zake katika kusanyiko la watauwa.

2 * Israeli na amfurahie Yeye aliyemwumba,

Wana wa Sayuni na wamshangilie mfalme wao.

3 Na walisifu jina lake kwa kucheza,

Kwa sauti tamu ya matari na kinubi.

4 * Kwa kuwa BWANA awaridhia watu wake,

Huwapamba wenye upole kwa wokovu.

5 Watauwa na waushangilie utukufu,

Waimbe kwa sauti kuu vitandani mwao.

6 * Sifa kuu za Mungu na ziwe vinywani mwao,

Na upanga mkali kuwili mikononi mwao.

7 Ili kufanya kisasi juu ya mataifa,

Na adhabu juu ya makabila ya watu.

8 Wawafunge wafalme wao kwa minyororo,

Na wakuu wao kwa pingu za chuma.

9 * Kuwafanyia hukumu iliyoandikwa;

Hiyo ndiyo heshima ya watauwa wake wote.

Haleluya.