1 Nami cubbuu isaatiif araarri kennameef,

ka yakkaan isaa lakkifanteef ka gammade.

2 Nami Mootiin Waan Maraa cubbuu itti hin laakkonne,

ka soba ifi keessaa hin qanne ka gammade.

3 Ani yennaa cubbuu tiyya faaci'atuu dhabe,

guyyaa guutuu aada.

4 Ati halkanii fi guyyaa na adadde;

akka waan o'i bonaa gossee,

hunni tiyya na keessaa godde.

5 Achiin duuba ani cubbuu tiyya sitti dhugaa baase;

yakkaa tiyyalle hin dhoffanne.

Ani «Cubbuu tiyya Mootii Waan Maraatitti dhugaa baasa» jedhe;

atille cubbuu tiyya naaf araarante.

6 Tanaaf, nami addatamaan marti

gara keeti daadimatuu ti.

Rakkinni akka lolaa jaba'aa yennaa dhufe,

isa hin dhaqqabu.

7 Ati addee ani itti dhokadhu;

ati rakkinna irraa na eedda.

Ati ililleettii worra bayiisa kiyyatti firinxiixuun na marsite.

8 Mootiin Waan Maraa,

«Ani karaa ati deemu'uu malte

si hubachiisee si barsiisa;

si gorsa; si toowadha.

9 Ati akka fardaa fi gaange'ee,

ka wo hin beennee hin te'in!

Bixaalaa fi lugaamaan ifitti yoo harkitte malee,

isaan sitti hin dhikaatanu» jedhe.

10 Farri worra cubbaaleyyi'ii heddu'u;

nama Mootii Waan Maraatitti addatu ammoo

jaalalli isaa ka bara baraa isa hin marsa.

11 Isin balchooleen

Mootii Waan Maraatiin gammada'aa ilillisa'a!

Isin worri gadhaa qajeela'aa ilillisa'a.