4 Ani si irratti ka’ee, si qofa yakkee,

waan hantuu si duratti godhe.

Tanaaf dubbiin ati na irratti dubbatte dhuga’a;

muraan ati natti murtelle haqa.

5 Dhugumaan ani cubbu’uun dhaladhe;

yennaa haati tiyya na ulfoottuu ani cubbicha.

6 Ati keessa namaatitti dhugaa hin halchita;

tanaaf, gadhaa kiyya ka dhossa’aa keessatti

qarummaa na barsiisi.

7 Baala hisoophiitiin fiffixiitii,

cubbuu irraa na qulqulleessi;

anille hin qulqullowa;

na dhiqi; anille dhakaa roobaa caalaa hin addaadha.

8 Ililleetti’ii fi gammada na dhageessisi;

ati na caccassitee butuchitulle

ani deebi’ee hin gammada.

9 Fuula keeti cubbuu tiyya irraa deebifadhu;

yakkaa tiyya mara haxowii balleessi.