Salmos 126

छुटकारे रिया तँईं प्रार्थना

यात्रा रा गाणा

1 जेबे यहोवे आसे इस्राएली लोक गुलामिया ते यरूशलेम शईरो दे वापस पऊँचाए,

तेबे आसा खे ये केसी सुफने जेड़ा लगेया।

2 तेबे म्हारे मुंए पाँदे खुशिया साथे आसी आईगी

ओर म्हारी जीब जयजयकार करने लगी;

तेबे जातिया-जातिया रे लोक आपू बीचे म्हारे बारे दे बोलणे लगे,

"यहोवे इना रिया तँईं महान काम करी राखे।"

3 प्रभुए म्हारिया तँईं महान काम करी राखे

ओर इजी ते आसे खुश ए।

4 जिंयाँ सूकिया जगा रिया नदिया बरसाती दे पाणिए साथे परी जाओईया, तिंयाँ ई,

ओ प्रभु, आसा खे फेर समृद्ध बणाई दे!

5 जो आसू बाह्ंदे ऊए बीज बाओए,

तिना फसल जयजयकार करदे ऊए बाडणी।

6 चाए बाणे वाल़ा जिम्मीदार बेजा लई की रोंदा ऊआ चली जाओ,

तेबे बी से पूल़े लई की जयजयकार करदा ऊआ फेर पक्का वापस आई जाणा।*126:6 लूक 6:21