Salmos 13

मुसीबता रे मतादा रिया तँईं प्रार्थना

बजाणे वाल़े रे परदानो रिया तँईं दाऊदो रा पजन

1 ओ यहोवा, तां कदुओ तक, आँऊ पुलाई की राखणा?

तां कदुओ तक आपणा मूँ मांते लकोणा?

2 मां कदुओ तक मुसीबत चालदे रणा?

कदुए तक मां दिन-रात दु:खो दे पड़े रे रणा?

कदुओ तक मेरा दुश्मण मां पाँदे प्रबल ऊँदा रणा?

3 ओ मेरे परमेशर यहोवा मां कनारो खे देखो, ओर माखे ज्वाब देओ।

माखे फेर मजबूत बणने दे मताद कर, ओर माखे मरने री आज्ञा नि दे।

4 एड़ा नि ओ कि मेरा दुश्मण बोलो कि आऊँ तेस पाँदे प्रबल ऊईगा

ओर एड़ा नि ओ कि जेबे आऊँ लड़खड़ाणे लगूँ, तेबे मेरे दुश्मण खुश ऊई जाओ।

5 पर आऊँ तो परोसा करूँआ कि तूँ वफादारिया ते मांते प्रेम करदा रणा,

जेबे आऊँ बचाणा तेबे आऊँ खुश ऊणा।

6 ओ यहोवा, तैं मेरिया तँईं कई पले काम करी राखे,

इजी री खातर मां तेरिया तँईं स्तुति पजन गाणा।