Salmos 15

सिय्योनो रे रणे वाल़े

दाऊदो रा पजन

1 ओ प्रभु! तेरे तम्बूए रे कुण ठईरी सकोआ?

तेरे पवित्र पाह्ड़ो पाँदे कुण बसी सकोआ?*15:1 15:4-5; 61:4; 2 शमूएल 6:12; 16-17

2 सेयो माणूं जो सबी गल्ला दे परमेशरो री आज्ञा रा पाल़न करोए ओर हमेशा तर्मो रा काम करोए,

ओर दिलो ते सच्च बोलोए;

3 जो आपणी जीबा ते निंदा नि करदा

ओर ना आपणे दोस्तो री बुराई करदा

ओर ना आपणे पड़ोसिये री निंदा सुणदा;

4 जो यहोवे खे नि मानदे तिना खे सेयो तुच्छ जाणोए,

पर यहोवे रे डरो दे रणे वाल़े लोका रा सेयो आदर करोए।

से परमेशरो रे सामणे वादा करी की बदलदा नि; चाए तिजी री कोई बी कीमत कऊँ नि देणी पड़ो।

5 जो आपणा पैसा ब्याजो पाँदे नि देंदा

ओर निर्दोष माणूंए रा नुकशाण करने खे रिश्वत नि लंदा।

एड़ा काम करने वाल़ा माणूं सदा बणेया रा रओआ।