पजन 96

परमेशर सर्वोच्च राजा

1 प्रभुए रिया तँईं एक नया गीत गाओ,

ओ सारी तरतिया रे लोको प्रभुए रिया तँईं गाओ!*96:1 प्रकाशित 5:9, पजन 33:3

2 प्रभुए रिया तँईं गाओ, तेसरे नाओं खे तन्य बोलो;

हर दिन तेसरे कित्ते रे उद्धारो रा शुभ समाचार सुणांदे रओ।

3 दूजिया जातिया दे यहोवे री महिमा रा

ओर देशो-देशो रे लोका गे तेसरे अचम्बे रे कामा रा बखाण करो।

4 प्रभु महान् ए ओर बऊत ई स्तुति करने लाईक ए;

से तो सबी देवतेया ते जादा आदर करने जोगा ए।

5 कऊँकि देशो-देशो रे सब देवता तो मूर्तिया ईए;

पर प्रभुए ई स्वर्ग बणाई राखेया।

6 तेसरे चऊँ कनारे मान-सम्मान ओर एश्वर्य ए;

तेसरे मन्दरो रे सामर्थ ओर शोभा ए।

7 ओ देशो-देशो रे कुलो रे लोको,

प्रभुए रा गुणगाण करो,

प्रभुए री महिमा ओर स्तुति करो!

8 प्रभुए रे नाओं री एड़ी महिमा करो जो तेस जोगी ए;

पेंट लई की तेसरे मन्दरो रे आओ!

9 परमेशरो री आराधना करो; जो सुन्दर ओर पवित्र ए।

ओ सारी तरतिया रे लोको तेस सामणे थरथरांदे रओ!