1 जेबे मेरेया दोस्ते माखे बोलेया, "आओ, आसे प्रभुए रे मईलो खे चलूँए,"

तेबे आऊँ खुश ऊईगा।

2 ओ यरूशलेम,

तेरे प्रवेश द्वारो पाँदे आसे खड़ी रे!

3 ओ यरूशलेम, तूँ कितणा मजबूत ओर सुन्दर शईर ए,

जेसरे कअर एकी-दूजे साथे मिली रे।

4 ये से जगा ए जेती इस्राएलो रे सबी गोत्रा रे लोक आओए,

यहोवे रा तन्यवाद करने खे जेड़ी यहोवे तिना खे आज्ञा देई राखी।

5 इस्राएलो रा राजा एथी आ,

सिंहासनो पाँदे बैठेया दा, दाऊदो रे कराने रा न्याये करने खे।

6 यरूशलेमो री शान्तिया रिया तँईं प्रार्थना करो;

एते शईरो दे तां साथे प्यार करने वाल़े फल़ो-फूलो!

7 ओ यरूशलेम, तेरिया दवाला रे पीतरे शान्ति

ओर तेरे मईलो रे सुरक्षा बणी री रओ!

8 आपणे परिवार ओर दोस्ता खे मां ये बोलणा,

"तुसा बीचे शान्ति बणी री रओ!"

9 आपणे प्रभु परमेशरो रे मन्दरो रिया तँईं,

मां तेरी पलाईया री कोशिश करनी।