पजन 66

परमेशरो रे महान कामा रिया तँईं स्तुति

1 ओ सारी तरतिया रे लोको,

परमेशरो रा खुशिया साथे जयजयकार करो;

2 तेसरे नाओं री महिमा रा पजन गाओ,

तेसरी स्तुति करदे ऊए, तेसरी महिमा करो।

3 परमेशरो खे बोलो, "तेरे काम कितणे नौखे ए!

तेरी महान सामर्था रिया बजा ते तेरे दुश्मण तां सामणे कुटणे टेकोए।

4 सारी तरतिया रे लोका तेरी आराधना करनी

ओर तिना तेरी तारीफा रा पजन गाणा;

तिना तेरे नाओं री तारीफा रा पजन गाणा।" सेला