1 ओ मेरे लोको, मेरी शिक्षा सुणो;

मेरे मुंए ते निकल़े रे वचना रिया तरफा खे त्यान देओ!

2 मां तुसा खे बुद्धिया रिया गल्ला बताणिया,

साथे मां पुराणे बखतो रिया गुप्त गल्ला रा पेत बताणा।*

3 जो गल्ला आसे सुणिया, ओर समजिया

ओर म्हारे बुजुर्गे आसा गे बताईया।

4 प्रभुए रा गुणगाण ओर तेसरी सामर्थ ओर अचम्बे रे काम जो तिने कित्ते,

सेयो आसा तिना री ल्वादा ते गुप्त नि राखणे

बल्कि आऊणे वाल़िया पीढ़िया रे लोका गे तिजी रा बखाण करना।*