Salmos 23

प्रभु मेरा चराणे वाल़ा ए

दाऊदो रा पजन

1 प्रभु माखे चराणे वाल़ा ए,

माखे कोई कमी नि ऊणी।*23:1 यशायाह 40:11

2 से माखे अरी-परी काओ री जमीना दे राम कराओआ;*23:2 पेडा रे चरने ओर राम करने रिया तँईं एक खरी जगा

से माखे शांत झरने रे कनारे पाँदे लई जाओआ।

3 से माखे नवीं तागत देओआ।

से माखे सई बाट दखाओआ,

जेड़ा तिने वादा करी राखेया ए।

4 चाए आऊँ बऊत जादा न्हेरिया काअटिया रे ऊई की चलूँ,

तेबे बी कोई अनिष्ट ऊणे ते नि डरदा,

कऊँकि ओ प्रभु, तूँ मां साथे ए,

तेरे चराणे वाल़े री सोठी ओर डण्डा मेरी रक्षा करोए।

5 मेरे दुश्मणा री मौजुदगिया रे तूँ मेरिया तँईं रोटिया री मेज*23:5 बड़े खाणे लगाओआ;

तैं तेलो साथे मेरा अभिषेक करी राखेया,

मेरा कटोरा छल़कणे लगी रा।

6 पक्का पलाई ओर करूणा जिन्दगी पर मां साथे बणी री रणी

ओर मां प्रभुए रे कअरे जुगो-जुगो तक रणा।