Salmos 46

परमेशर आसा रा शरण लणे री जगा ए

बजाणे वाल़े परदानो रिया तँईं कोरह वंशिया रा अलामोतो रे रागो पाँदे एक गीत

1 परमेशर म्हारा शरण लणे री जगा ओर तागत ए,

हमेशा मुसीबता रे बखते मताद करने खे त्यार रओआ।

2 इजी खे आसा नि डरना,

चाए तरती पल्टी जाओ ओर पाह्ड़ समुद्रो बीचे डूबी जाओ।

3 चाए समुद्रो रा पाणी बड़ा पारी शाद करो

ओर लईरा उठो ओर पाह्ड़ तिजी री बाढ़ा ते थरथराई जाओ।*46:3 लूक 21:25, मत्ती 7:25 सेला

4 एक नदी ए जेतेरिया पाणिए रिया ताअरा परमेशरो रे शईरो खे,

परमपरदानो रे पवित्र रणे रे मईलो रे खुशी देओई।

5 परमेशर तेस शईरो*46:5 यरूशलेम रे बीचे ए,

ओर तीजी खे कदी बी नाश नि करी सकदे।

जेबे तड़का ऊणा, तेबे परमेशरो तीजी री मताद करने खे तेती ऊणा।

6 जातिया-जातिया रे लोक डरने लगी रे;

राज्य-राज्य रे लोक डगमगाणे लगे;

पर परमेशरो रे शब्द बोलदे ई तरती गल़ी जाओई।*46:6 प्रकाशित 11:18, पजन 2:1

7 स्वर्गिय सेनाओं रा प्रभु आसा साथे ए;

याकूबो रा परमेशर म्हारा ऊच्चा गढ़ ए। सेला

8 आओ ओर देखो यहोवे क्या करी राखेया।

देखो कि तिने तरतिया पाँदे क्या नौखे काम करी राखे।

9 से तरतिया रे एकी कनारे ते दूजे कनारे तक युद्ध बन्द करी देओआ;

से धनुषो खे तोड़ोआ ओर भाल़े रे टुकड़े-टुकड़े करी देओआ

ओर रथा खे आगी रे पाई की स्वा करी देओआ।

10 "चुप ऊई जाओ ओर जाणी लओ कि आऊँ ई परमेशर ए।

आऊँ सबी देशा बीचे महान ए,

आऊँ पुरिया तरतिया पाँदे महान ए!"

11 स्वर्गिय सेनाओं रा प्रभु आसा साथे ए;

याकूबो रा परमेशर म्हारा ऊच्चा गढ़ ए। सेला