4 मैं बस तेरे ई खलाफ पाप कित्तेया ओर जो तेरिया नजरा रे बुरा ए,

सेई करी राखेया, इजी री खातर तैं जो मेरा न्याय करी राखेया से बिल्कुल सई ए।*

5 देख, जेस दिनो ते आऊँ पैदा ऊआ, तेसी दिनो ते आऊँ पापी था;

सच्चो खे, जदुए ते मेरिये माये मेरा गर्भधारण कित्तेया, तदो ते ई आऊँ पापी आ।*

6 पर तूँ चाएआ कि आऊँ पुरिया तरआ ते सच्चा ओर इमानदार रऊँ।

तूँ माखे बुद्धिमानीया ते जीवन जीऊणा सखाणा चाएआ।

7 जूबे की माखे शुद्ध कर ओर तेबे आऊँ शुद्ध ऊई जाणा,

तूँ माखे तोओ तेबे आऊँ बर्फा जेड़ा सफेद ऊई जाणा।*

8 माखे खुशी ओर आनंदो रिया गल्ला सुणा,

जेते की मेरिया आड्डिया जो तैं तोड़ी राखिया,

सेयो मगन ऊई जाओ।

9 आपणा मूँ मेरे पापो रिया तरफा ते मोड़ी दे

ओर मेरे सारे बुरे काम मटयाई दे।