1 खुश सेयो लोक ए जो दुष्ट लोका रिया सलाई खे नि मानदे,

ओर जो पापिया रे उदारणा खे नि मानदे

ओर ना तिना लोका बीचे शामिल ओए जो परमेशरो रा मजाक उडाओए।

2 इना सबी गल्ला खे छाडी की सेयो यहोवे रे बिधानो खे मानणे ते खुश रओए

ओर सेयो रात-दिन तीजी रे बारे दे त्यानो साथे पढ़ोए ओर सोचदे रओए।*

3 से माणूं तेस डाल़ो जेड़ा ए, जो आपणे आपू नि जम्मी रा बल्कि आपणी इच्छा ते बह्ईंदे पाणिए रे कनारे लगाई राखेया,

ओर आपणे बखतो दे फल़ो आ ओर जेसरे पत्ते कदी बी मुरझांदे नि। तेबेई तो जो कुछ से माणूं करोआ, से सफल ओआ।*

4 दुष्ट माणूं एड़े नि ऊँदे,

सेयो पूए जेड़े ओए, जेतेखे पऊण डवाई देओई।

5 पापिया गे न्याय रे दिने कोई बी बाना नि ऊणा ओर सेयो दोषी ठराए जाणे,

ओर सेयो तर्मिया री मण्डल़िया ते दूर कित्ते जाणे।

6 कऊँकि से तर्मी लोका रा मार्गदर्शन ओर रक्षा करोआ, पर जेते बाटा दे दुष्ट हांडोए से तिना खे तेथी लई जाओआ,

जेती तिना खे हमेशा खे परमेशरो रे जरिये सजा मिलणी।*