1 ओ यहोवा, मेरा परोसा तां पाँदे ए;

माखे कदी शर्मिंदा नि ऊणे देणा;

आपणी तार्मिकता रे जरिए माखे बचाई लओ।

2 ओ यहोवा, आपणा त्यान मेरिया तरफा खे लगाई की

फटाफट माखे छुड़ाई लओ।*

3 कऊँकि तूँ मेरिया तँईं चट्टान ओर गढ़ो जेड़ा ए;

इजी री खातर आपणे नाओं रिया तँईं माखे सई बाट दखा

ओर माखे आगे लई चल।

4 तूँ ई ए जो माखे सम्बाल़ोआ,

माखे तेस जाल़ो ते बचा जो मेरेया दुश्मणे मेरिया तँईं बछाई राखेया,

5 आँऊ आपणा जीवन तेरे ई आथो रे सम्बाल़ी देऊँआ;

ओ प्रभु, ओ सच्चे परमेशर,

तैं आऊँ मोले लई की आजाद करी राखेया।*