4 प्रभुए रा गुणगाण ओर तेसरी सामर्थ ओर अचम्बे रे काम जो तिने कित्ते,

सेयो आसा तिना री ल्वादा ते गुप्त नि राखणे

बल्कि आऊणे वाल़िया पीढ़िया रे लोका गे तिजी रा बखाण करना।*

5 प्रभुए याकूबो गे एक चतौणी ठराई ओर इस्राएलो रे एक बिधान ठराई,

जेतेरे बारे दे तिने आसा रे पितरा खे आज्ञा दित्ती

कि सेयो आपणी ल्वादा खे इना गल्ला खे सिखाओ;

6 ताकि आऊणे वाल़ी पीढ़ी तिना खे सीखो,

ओर बदले दे आपणे बच्चेया खे सिखाओ।

7 जेते कि सेयो यहोवे पाँदे परोसा राखो

ओर यहोवे रे बड़े-बड़े कामो खे पूली नि जाओ

बल्कि तेसरी आज्ञा खे मानदे रओ;