1 Abizigiye Uhoraho bameze nk’umusozi Siyoni,

udashobora kunyiganyizwa, ariko uhora ushikamye ibihe vyose.

2 Nk’uko imisozi ikikije Yerusalemu,

ni ko Uhoraho akikije abantu biwe

uhereye ubu ukageza ibihe bidashira.

3 Icumu ry’ubugabe ry’umunyakibi ntirizokwama rishinze

mu gihugu cahawe abagororotsi,

kuko abagororotsi bohava

bakoresha amaboko yabo ibibi.

4 Uhoraho, girira neza abeza,

abatunganye mu mutima.

5 Ariko abahindukira bakaja mu nzira zigoramye

Uhoraho azobirukanana n’inkozi z’ikibi.

Amahoro abe kuri Isirayeli.