1 Nimushimire Uhoraho, kuko ari mwiza.

Urukundo rwiwe rwamaho ibihe bidashira.

2 Nimushimire Uhoraho aganza imana zose.

Urukundo rwiwe rwamaho ibihe bidashira.

3 Nimushimire Umwami aganza abami:

Urukundo rwiwe rwamaho ibihe bidashira.

4 Ni we wenyene akora ibitangaza,

Urukundo rwiwe rwamaho ibihe bidashira.

5 Ni we yaremesheje amajuru ubwenge,

Urukundo rwiwe rwamaho ibihe bidashira.

6 Uwashanje isi hejuru y’amazi,

Urukundo rwiwe rwamaho ibihe bidashira.

7 Uwaremye ivyaka binini,

Urukundo rwiwe rwamaho ibihe bidashira.

8 Izuba ryo kuganza umurango,

Urukundo rwiwe rwamaho ibihe bidashira.

9 Ukwezi n’inyenyeri vyo kuganza ijoro,

Urukundo rwiwe rwamaho ibihe bidashira.

10 Uwahoneje imfura zo muri Egiputa,

Urukundo rwiwe rwamaho ibihe bidashira.

11 Agakura Isirayeli muri bo,

Urukundo rwiwe rwamaho ibihe bidashira.

12 Abakujeyo ukuboko kw’inkomezi kuramvuye,

Urukundo rwiwe rwamaho ibihe bidashira.

13 Yagabuyemwo kabiri Ikiyaga Gitukura,

Urukundo rwiwe rwamaho ibihe bidashira.

14 Agacisha Isirayeli hagati muri co,

Urukundo rwiwe rwamaho ibihe bidashira.

15 Ariko agatsinda Farawo n’ingabo ziwe mu Kiyaga Gitukura,

Urukundo rwiwe rwamaho ibihe bidashira.

16 Ni we yarongoye abantu biwe mu bugaragwa,

Urukundo rwiwe rwamaho ibihe bidashira.

17 Ni we yatsinze hasi abami bahambaye,

Urukundo rwiwe rwamaho ibihe bidashira.

18 Akica abami bakomeye,

Urukundo rwiwe rwamaho ibihe bidashira.

19 Sihoni umwami w’Abamori,

Urukundo rwiwe rwamaho ibihe bidashira.

20 Na Ogi umwami w’i Bashani,

Urukundo rwiwe rwamaho ibihe bidashira.

21 Agatanga igihugu cabo ngo kibe iragi,

Urukundo rwiwe rwamaho ibihe bidashira.

22 Iragi ry’umusavyi wiwe Isirayeli,

Urukundo rwiwe rwamaho ibihe bidashira.

23 Yaratwibutse igihe twari dusuzuguritse,

Urukundo rwiwe rwamaho ibihe bidashira.

24 Adukiza abansi bacu,

Urukundo rwiwe rwamaho ibihe bidashira.

25 Agaburira ivyaremwe vyose,

Urukundo rwiwe rwamaho ibihe bidashira.

26 Nimushime Imana yo mw’ijuru.

Urukundo rwiwe rwamaho ibihe bidashira.