1 याहवेह मेरो ज्योति र मेरो मुक्ति हुनुहुन्छ;

मैले कसको भय मान्‍नु?

याहवेह नै मेरो जीवनको किल्‍ला हुनुहुन्छ;

म कोसँग भयभीत हुनु?

2 जब दुष्‍टहरू मलाई आक्रमण गर्न

मेरो विरुद्धमा अगि बढ्छन्,

जब मेरा शत्रुहरू र मेरा वैरीहरू ममाथि आइलाग्दछन्;

तब तिनीहरू ठक्‍कर खाएर लड्नेछन्।

3 सेनाले मेरो विरुद्धमा छाउनी बनाए तापनि

मेरो हृदय डराउनेछैनँ;

मेरो विरुद्धमा लडाइँ चले तापनि

त्यस बेलामा पनि म पूरा निर्धक्‍क रहनेछु।