1 हे याहवेह, मैले तपाईंमा शरण लिएको छु;

मलाई कहिल्यै पनि शर्ममा पर्न नदिनुहोस्।

तपाईंको धार्मिकतामा मलाई छुटाउनुहोस्।

2 मेरो पुकार सुन्‍न आफ्नो कान मतिर फर्काउनुहोस्;

मेरो उद्धार गर्नलाई चाँडो आउनुहोस्;

तपाईं मेरो शरण लिने चट्टान हुनुहोस्,

मलाई बचाउने बलियो किल्‍ला तपाईं नै हुनुहोस्।

3 तपाईं मेरो चट्टान र मेरो किल्‍ला हुनुभएकोले,

तपाईंको नामको खातिर मलाई अगुवाइ गर्नुहोस् र डोर्‍याउनुहोस्।

4 मेरो निम्ति गुप्‍तमा थापिएको पासोबाट मलाई छुटाउनुहोस्;

किनकि तपाईं नै मेरो शरणस्थान हुनुहुन्छ।

5 तपाईंकै हातमा मेरो आत्मा सुम्पन्छु;

हे याहवेह, हे मेरा विश्‍वासयोग्य परमेश्‍वर, मेरो उद्धार गर्नुहोस्।