1 परमेश्वर हाम्रा शरणस्थान र बल हुनुहुन्छ,
सङ्कष्टमा सधैँ हाजिर हुने सहायक।
2 यसकारण हामी डराउनेछैनौँ, चाहे पृथ्वीमा ठूलो हलचल आओस्,
चाहे पर्वतहरू समुद्रको गहिराइमा खसून्;
3 चाहे समुद्र गर्जोस् र फीँज काढोस्,
र त्यो डरलाग्दो भेल उर्लेर आउँदा पर्वतहरू थर्कून्। सेला
6 राष्ट्रहरूमा डरले कोलाहल हुन्छ; राज्यहरू पतन हुन्छन्।
परमेश्वरले आफ्नो आवाज निकाल्नुहुन्छ, तब पृथ्वी पग्लन्छ।
10 उहाँले भन्नुहुन्छ, "शान्त रहो, र म नै परमेश्वर हुँ भनी जान;
म राष्ट्रहरूको बीचमा उच्च पारिनेछु,
म पृथ्वीमा उचालिनेछु।"