भजनसंग्रह 78

1 हे मेरा मानिसहरू हो, मेरा शिक्षातिर ध्यान दिएर सुन;

मेरा मुखका वचनहरूतिर ध्यान लगाओ।

2 म मेरो मुख दृष्‍टान्तमा बोल्नलाई खोल्नेछु;

म प्राचीनका कुराहरूबाट गुप्‍त कुराहरू भन्‍नेछु—

3 हामीले ती कुराहरू सुनेका र जानेका छौँ,

जुन कुरा हाम्रा पितापुर्खाहरूले हामीलाई बताएका छन्।

4 हामी ती कुराहरूलाई तिनीहरूका छोराछोरीहरूबाट लुकाउनेछैनौँ;

हामी आउने पुस्तालाई याहवेहका प्रशंसायोग्य कामहरू,

उहाँको शक्ति र उहाँले गर्नुभएका

अद्‌भुत कार्यहरूको बारेमा वर्णन गर्नेछौँ।