1 आओ, हामी याहवेहको निम्ति आनन्दले गाऔँ;

हाम्रा मुक्तिका चट्टानको निम्ति उच्‍च सोरले जयजयकार गरौँ!

2 धन्यवाद चढाउँदै उहाँको सामु आऔँ,

भजन र सङ्गीतले उहाँको प्रशंसा गरौँ!

3 किनकि याहवेह महान् परमेश्‍वर हुनुहुन्छ,

सबै देवहरूमाथि महान् राजा।

4 पृथ्वीका गहिराइहरू उहाँको हातमा छ;

र पर्वतका चुचुराहरू उहाँकै हुन्।

5 समुद्र उहाँकै हो, किनकि त्यो उहाँले नै बनाउनुभएको हो,

र सुक्खा जमिन उहाँकै हातद्वारा बनिए।

6 आओ, हामी उहाँलाई दण्डवत् गरौँ र आराधना गरौँ;

याहवेह हाम्रा सृष्‍टिकर्ताको अगि घुँडा टेकौँ;