14 म तपाईंलाई प्रशंसा गर्दछु; किनकि म भयानक र अद्‌भुत तरिकाले बनिएको छु;

तपाईंका कार्यहरू अद्‌भुत छन्,

म त्यो राम्ररी जान्दछु।

15 मेरो आकार तपाईंबाट लुकेको थिएन,

जब म पृथ्वीको गहिराइमा रचिँदै थिएँ;

जब म अदृष्यमा बनिँदैथिएँ;

16 तब तपाईंका आँखाले मेरो नबनिएको त्यो शरीरलाई देखे;

मेरा निम्ति तोकिएका दिनहरू तपाईंको पुस्तकमा लेखिएका थिए;

तीमध्ये एउटै कुरा पनि अस्तित्वमा आउनअगि सबै लेखिएका थिए।