Salmos 3

1 हे याहवेह, मेरा विरोधीहरू कति धेरै छन्!

मेरो विरुद्धमा कति धेरै जना खडा भएका छन्!

2 धेरैले मेरो विषयमा यसो भन्दैछन्,

"परमेश्‍वरले त्यसलाई सहायता गर्नहुनेछैन।" सेला*3:2 मूल भाषामा यहाँ सेला शब्दको अर्थ अनिश्‍चित छ; सम्भवतः यो शब्दले यहाँ कुनै सङ्गीत सूचकलाई जनाएको हुनुपर्दछ।

3 तर हे याहवेह, तपाईं मेरो चारैतिर ढाल हुनुहुन्छ;

तपाईं मेरो गौरव र मेरो शिर उच्‍च पारिदिने हुनुहुन्छ।*3:3 मेरो शिर उच्‍च पारिदिने ले मलाई विजय दिने जनाउँछ

4 म ठूलो सोरमा याहवेहलाई पुकार गर्दछु,

र उहाँले आफ्नो पवित्र पर्वतबाट मलाई जवाफ दिनुहुन्छ। सेला

5 म पल्टन्छु र निदाउँछु;

म फेरि उठ्छु; किनकि याहवेहले नै मलाई सम्हाल्नुहुन्छ।

6 मेरो विरुद्धमा मेरा वरिपरि घेरा हाल्ने

दसौँ हजार शत्रुहरूसँग पनि म डराउनेछैनँ।