4 "हे याहवेह, मेरो जीवनको अन्त्य देखाउनुहोस्,

र मेरो जीवन अब कति दिन बाँकी छ;

मेरो जीवन कति क्षणभङ्गुर छ भनी मलाई जान्‍न दिनुहोस्!

5 तपाईंले मेरो जीवनकाल छोटो बनाउनुभएको छ;

तपाईंको दृष्‍टिमा मेरो जीवनको आयु नगण्य छ।

हरेक मानिसको जीवन एक मुट्ठी सास मात्र हो;

तिनीहरूको पनि जसले आफूलाई सुरक्षित सम्झन्छन्। सेला

6 "निश्‍चय नै हरेक मानिस एउटा छायाजस्तै हिँड्‍डुल गर्छ;

व्यर्थमा तिनीहरू धनसम्पत्ति थुपार्न हतार गर्छन्;

तर त्यो अन्त्यमा कसको हुन्छ, सो जान्दैनन्।