4 हामी ती कुराहरूलाई तिनीहरूका छोराछोरीहरूबाट लुकाउनेछैनौँ;

हामी आउने पुस्तालाई याहवेहका प्रशंसायोग्य कामहरू,

उहाँको शक्ति र उहाँले गर्नुभएका

अद्‌भुत कार्यहरूको बारेमा वर्णन गर्नेछौँ।

5 उहाँले याकोबको निम्ति विधि-विधानहरू कायम गर्नुभयो,

र इस्राएलमा व्यवस्था स्थापित गर्नुभयो;

यी कुराहरू आफ्ना छोराछोरीहरूलाई सिकाउनु भनेर

उहाँले हाम्रा पितापुर्खाहरूलाई आज्ञा दिनुभयो;

6 ताकि यी कुराहरू आउँदा पुस्ताले जानून्,

यी कुराहरू नजन्मेका शिशुहरूले पनि जानून्,

र यी कुराहरू तिनीहरूले पनि आफ्ना छोराछोरीहरूलाई भनून्।

7 तब तिनीहरूले परमेश्‍वरमा आफ्ना भरोसा राख्नेछन्,

र उहाँका कामहरू तिनीहरूले बिर्सने छैनन्;

तर तिनीहरूले उहाँका आज्ञाहरू पालन गर्नेछन्।