Zaburi 31

1 Muri wewe, Uhoraho, ni ho mpungiye;

sinze nigere maramara;

unkize ku bw’ukugororoka kwawe.

2 Ntega ugutwi,

nyaruka untabare;

umbere igitandara mpungiramwo,

igihome gikomeye kinkingira.

3 Ni wewe gitandara canje n’igihome canje,

undongore kandi ungire inama ku bw’izina ryawe.

4 Undinde kugwa mu mutego watezwe imbere yanje,

kuko ari wewe buhungiro bwanje.

5 Mu biganza vyawe ni ho nshize impwemu yanje;

nkiza, Uhoraho, Mana yanje yo kwizigirwa.