13 Panginoon, pakiusap!
Iligtas nʼyo ako at kaagad na tulungan.
14 Mapahiya sana at malito
ang lahat ng nagnanais na mamatay ako.
Magsitakas sana sa kahihiyan
ang lahat ng mga nagnanais
na akoʼy mapahamak.
15 Pahiyain nʼyo nang lubos
ang mga nagsasabi sa akin,
"Aha! Napasaamin ka rin!"
16 Ngunit ang mga lumalapit sa inyo
ay magalak sana at magsaya.
Ang mga naghahangad ng inyong pagliligtas
ay lagi sanang magsabi,
"Dakila ka, o Panginoon!"
17 Ako naman na dukha at nangangailangan,
alalahanin nʼyo ako, Panginoon.
Kayo ang tumutulong sa akin.
Kayo ang aking Tagapagligtas.
Aking Diyos, agad nʼyo akong tulungan.