8 Onyenwe anyị na-eme amara nweekwa obi ọmịiko,
ọ dịghị ewe iwe ọsịịsọ, ọ bara ụba nʼịhụnanya.
9 Onyenwe anyị dị mma nʼebe mmadụ niile dị;
o nwere ọmịiko nʼebe ihe niile o kere eke dị.
10 O Onyenwe anyị, ihe niile i kere eke ga-eto gị;
ndị nsọ gị na-aja gị mma.
11 Ha ga-ekwupụta banyere ebube nke alaeze gị.
Kwupụtakwa maka ịdị ike gị,
12 ka mmadụ niile mata ihe banyere ọrụ ukwuu gị niile dị iche iche
na ebube nke ịdị mma alaeze gị.