1 Yaa isa teessoon kee shamaayʼun irra jiru,

ani ija koo gara keetti ol nan qabadha.

2 Akkuma iji garbootaa harka gooftaa isaanii,

iji garbittii immoo harka giiftii ishee ilaalu sana,

hamma inni araara nuu buusutti,

iji keenyas gara Rabbii Allaah keenyaa ni ilaala.

3 Nuu araarami; yaa Rabbii Allaah, nuu araarami;

tuffatamuun nutti baayʼateeraatii.

4 Arrabni warra of jajaniitii fi

tuffiin warra of tuulanii nutti baayʼateera.