1 Haalleluuyaa.

Yaa lubbuu ko, Rabbii Allaah galateeffadhu.

2 Ani bara jireenya koo guutuu Rabbii Allaah nan galateeffadha;

ani hamman jirutti Allaahaf nan faarfadha.

3 Abdii keessan bulchitoota irra,

namoota duʼa hin oolle warra isin gargaaruu hin dandeenye irra hin kaaʼatinaa.

4 Isaan yeruma lubbuun isaan keessaa baatu gara lafaatti deebiʼu;

guyyuma sanas karoorri isaanii bada.

5 Namni gargaarsi isaa Allaah Yaaʼikuub taʼe, kan abdiin isaas

Rabbii Allaah isaa taʼe eebbifaa dha.

6 Rabbii Allaahan Uumaa shamaayʼunii fi lafaa,

galaanaa fi waan isaan keessa jiru hundaa ti;

inni bara baraan amanamaa taʼe jiraata.

7 Inni warra cunqurfamaniif ni mura;

warra beelaʼaniif nyaata kenna.

Rabbii Allaahan warra hidhaman illee ni hiika;

8 Rabbii Allaahan jaamotaaf agartuu ni kenna;

Rabbii Allaahan warra gad deebiʼan ol qaba;

Rabbii Allaahan qajeeltota ni jaallata.

9 Rabbii Allaahan alagaadhaaf eegumsa ni godha;

ijoollee haadhaa fi abbaa hin qabnee fi

dubartoota dhirsoonni irraa duʼan ni jiraachisa;

karaa jalʼootaa garuu ni balleessa.

10 Rabbii Allaahan bara baraan ni moʼa;

Yaa Xiyoon, Allaahan kee dhaloota hundaaf mootii taʼa.

Haalleluuyaa.