1 ਯਾਹਵੇਹ ਰਾਜ ਕਰਦਾ ਹੈ, ਉਸਨੇ ਪਰਤਾਪ ਦਾ ਪਹਿਰਾਵਾ ਪਹਿਨਿਆ ਹੋਇਆ ਹੈ;

ਯਾਹਵੇਹ ਨੇ ਮਹਿਮਾ ਦਾ ਪਹਿਰਾਵਾ ਪਹਿਨਿਆ ਹੋਇਆ ਹੈ ਅਤੇ ਤਾਕਤ ਨਾਲ ਕਮਰ ਕੱਸੀ ਹੋਈ ਹੈ;

ਇਸੇ ਕਾਰਨ ਹੀ ਸੰਸਾਰ ਸੁਰੱਖਿਅਤ ਹੈ ਕਿ ਉਹ ਹਿੱਲ ਨਾ ਸਕੇ।

2 ਤੇਰਾ ਸਿੰਘਾਸਣ ਆਦ ਤੋਂ ਹੀ ਸਥਾਪਿਤ ਹੈ;

ਅਤੇ ਹਮੇਸ਼ਾ ਤੋਂ ਹੀ ਤੂੰ ਹੈ।

3 ਹੇ ਯਾਹਵੇਹ, ਸਮੁੰਦਰਾਂ ਨੇ ਸ਼ੋਰ ਮਚਾਇਆ ਹੈ,

ਹਾਂ ਸਮੁੰਦਰਾਂ ਨੇ ਆਪਣੀ ਆਵਾਜ਼ ਉੱਚੀ ਕੀਤੀ ਹੈ;

ਸਮੁੰਦਰਾਂ ਨੇ ਆਪਣੀਆਂ ਤੇਜ਼ ਲਹਿਰਾਂ ਉੱਚੀਆਂ ਕੀਤੀਆਂ ਹਨ।

4 ਇਹ ਲਹਿਰਾਂ ਦੀ ਗਰਜ ਬਹੁਤੇ ਪਾਣੀਆਂ ਨਾਲੋਂ ਵੱਧ ਸ਼ਕਤੀਸ਼ਾਲੀ,

ਇਹ ਲਹਿਰਾਂ ਦੀ ਗਰਜ ਕਿਨਾਰੇ ਤੋੜਨ ਵਾਲੇ ਪਾਣੀਆਂ ਨਾਲੋਂ ਵੱਧ ਸ਼ਕਤੀਸ਼ਾਲੀ,

ਪਰ ਯਾਹਵੇਹ ਇਹਨਾਂ ਸਾਰਿਆਂ ਨਾਲੋਂ ਵੱਧ ਸ਼ਕਤੀਸ਼ਾਲੀ ਹੈ।

5 ਹੇ ਯਾਹਵੇਹ, ਤੇਰੀਆਂ ਬਿਧੀਆਂ ਅੱਤ ਸੱਚੀਆ ਹਨ;

ਪਵਿੱਤਰਤਾਈ ਤੇਰੇ ਘਰ ਨੂੰ ਅਨੰਤ ਕਾਲ ਤੱਕ ਸ਼ੋਭਾ ਦਿੰਦੀ ਹੈ।