1 ਮੈਂ ਆਪਣੇ ਦੁੱਖ ਵਿੱਚ ਯਾਹਵੇਹ ਨੂੰ ਪੁਕਾਰਦਾ ਹਾਂ,

ਅਤੇ ਉਹ ਮੈਨੂੰ ਉੱਤਰ ਦਿੰਦਾ ਹੈ।

2 ਹੇ ਯਾਹਵੇਹ, ਮੈਨੂੰ ਝੂਠੇ ਬੁੱਲ੍ਹਾਂ ਤੋਂ

ਅਤੇ ਧੋਖੇਬਾਜ਼ ਜੀਭਾਂ ਤੋਂ ਬਚਾ।

3 ਪਰਮੇਸ਼ਵਰ ਤੇਰੇ ਨਾਲ ਕੀ ਕਰੇਗਾ,

ਅਤੇ ਉਹ ਤੇਰੇ ਲਈ ਕੀ ਕਰੇਗਾ,

ਹੇ ਧੋਖੇਬਾਜ਼ ਜੀਭ?

4 ਉਹ ਯੋਧਿਆਂ ਦੇ ਤਿੱਖੇ ਤੀਰਾਂ ਨਾਲ,

ਅਤੇ ਝਾੜੀ ਦੇ ਬਲਦੇ ਅੰਗਿਆਰਿਆਂ ਨਾਲ ਤੈਨੂੰ ਸਜ਼ਾ ਦੇਵੇਗਾ।

5 ਮੇਰੇ ਉੱਤੇ ਹਾਏ ਜੋ ਮੈਂ ਮੇਸ਼ੇਕ ਵਿੱਚ ਰਹਿੰਦਾ ਹਾਂ,

ਕਿ ਮੈਂ ਕੇਦਾਰ ਦੇ ਤੰਬੂਆਂ ਵਿੱਚ ਵੱਸਦਾ ਹਾਂ!

6 ਮੈਂ ਬਹੁਤ ਲੰਬਾ ਸਮਾਂ ਉਹਨਾਂ ਲੋਕਾਂ ਵਿੱਚ ਰਿਹਾ ਹਾਂ,

ਜਿਹੜੇ ਸ਼ਾਂਤੀ ਨੂੰ ਨਫ਼ਰਤ ਕਰਦੇ ਹਨ।

7 ਮੈਂ ਸ਼ਾਂਤੀ ਲਈ ਹਾਂ;

ਪਰ ਜਦੋਂ ਮੈਂ ਬੋਲਦਾ ਹਾਂ, ਉਹ ਯੁੱਧ ਲਈ ਹਨ।