1 Yuwain yisaali i ma̱za̱nga̱

a̱ tyo uba̱ta̱ wa̱ A̱sulazuva,

a̱ɗu uvaɗi ma̱ɓula̱.

2 I yuwaan A̱sulazuva a̱ga̱nda̱ na̱ mere!

I ta̱wa̱ a̱ ma̱ka̱ka̱n ma̱ yi

ni ishipa i ma̱za̱nga̱!

3 I reve A̱sulazuva A̱sula̱ a ɗa,

a̱yi ɗa u yuwan ntsu

a̱tsu a̱za̱ a̱ yi a ɗa.

A̱tsu ama a̱yi a ɗa,

ikyon i na waa guɓusa.

4 I uwa a̱ na̱ntsu va̱ a̱a̱'isa̱ a̱ yi nu ugodyusho,

i uwa o ukowo wa̱ a̱a̱'isa̱ a̱ yi ni ica,

i godyowo A̱sulazuva waru i cuwa ala a̱ yi.

5 Adama a na A̱sulazuva

za vi isa'ani ɗa,✝

icigi ya̱ yi i na i tsu vadala shi

za hali hali ɗa,

amayun a̱ yi waru a̱ ri nu ukosu shi.