1 A̱sulazuva, vu roco iɗa ya̱ wu isa'ani,

vu ka̱mbuwa̱a̱ Isra'ila na̱ tsugbain tsa̱ yi.

2 Vu yuwaan ama a̱ wu gafura vu nusu le,

reve vu tawa nusu le suru.

3 Vu bula̱ upan wa̱ wu ya̱'a̱ le,

vu lyawa upan wu usuɗuwu wa̱ wu.

4 A̱sula̱ za vi iwawi i tsu vu ka̱mbuwa̱ tsu,

a̱vu vu tawa tsu ulambu u mawwa mo uyo'o.

5 Vu ta̱ da̱na̱ o upan na̱ a̱tsu, babu ukotu?

Vu ta̱ da̱na̱ o upan hali a̱ tyo a mantsa suru?

6 Va̱a̱ ka̱mbuwa̱ tsu wuma waru shi?

Adama ama a yuwan ma̱za̱nga̱ na̱ vu.

7 A̱sulazuva, vu roco tsu icigi ya̱ wu i na i tsu vadala shi,

a̱vu vu roco tsu iwawi ya̱ wu.

8 N ta̱ polo atsuvu e ili i na A̱sula̱, A̱sulazuva a damma,

adama a na u yuwan ta̱ nzuwulai mu nden ma asuvu na ama a̱ yi,

ama a̱ɓula̱ a̱ yi, amma she a̱ ka̱mba̱ a̱ tsulo tse le wan.

9 Amayun, iwawi ya̱ yi i ta̱ lo, zuzu na aza a na a uwwusa wovon wa̱ yi,

adama tsugbain tsa̱ yi tsa̱ da̱nu, e iɗa i tsu.

10 Icigi na amayun a ta ga'asan,

a̱ɓula̱ na̱ nden ma asuvu, a ta katalalai aciyele.

11 Amayun a̱ ta̱ uta̱ diga e iɗa,

a̱ɓula̱ waru diga zuva.

12 Amayun A̱sulazuva a ta ca ili i na i ri yu ulobonu

waru iɗa i tsu i ta matsan itana yu uɗuma̱ ya̱ a̱bunda̱.

13 A̱ɓula̱ a uwa ta̱ elime yi,

u lapula ure u na wo toni.