1 Ulo u tsu damma ta̱ o okolo a̱ yi,

<<Babu A̱sula̱.>>

A̱ la̱nga̱ ta̱ suru nle,

re le a̱za̱ e idaba ɗa.

Babu zana aa yuwusan ili ya̱ a̱ɓula̱.

2 A̱sula̱ a̱ ka̱lyuwa̱ ta̱ vaɗilima̱ diga zuva

tsa̱ra̱ we ene ko a̱ ta̱ tsura̱

aza a na a̱ ri nu urevu,

aza a na a zama A̱sula̱.

3 Za suru lyawa ta̱ ure,

suru nle o o'wo ta̱ babu a̱ɓula̱.

Babu vuma na aa yuwusan

ili yu ulobonu, ko za ta̱.

4 A̱za̱ e iwuya a yuwan ugbozu shi?

Aza a na a tamusa ama a̱ va̱

cine a tsu tamusa opopofu,

waru e ɗesu A̱sula̱ shi.

5 Ele ɗa nda o o'woi

wuda'un adama o wovon,

ko na wo o'woi babu ili i wovon,

adama a na A̱sula̱ e bete'we ta̱

etele aza a na a 'yuwan nuwu,

a ta uwwa wono,

adama a na A̱sula̱ a 'yuwan nle.

6 O'o a damma iwawi i ta̱ ta̱wa̱

aza a Isra'ila diga Sihiyona!

Mantsa ma na A̱sula̱

a̱ ka̱mbuwa̱a̱ ama a̱ yi na aba'un,

ugundo wa Yakubu u ta yuwan ma̱za̱nga̱,

ama Isra'ila waru a yuwan mere.