1 Cuwai A̱sulazuva!

Cuwai A̱sulazuva, a̱ɗu agbashi a̱ yi!

Cuwai a ala A̱sulazuva!

2 Lyawa a cuwa a ala a̱ A̱sulazuva,

diga gogo na̱ hali hali.

3 Diga a̱ mota̱a̱ mo urana a̱ tyo ma̱ riya̱a̱ ma̱ yi,

wuntsaa ta̱ a cuwa a ala A̱sulazuva!

4 Tsugbain tsa̱ A̱sulazuva

tsa la'a ta̱ nɗa suru,

tsugbain tsa̱ yi tsa la'a ta̱ zuva.

5 Zane ɗa ri tsa̱ A̱sulazuva A̱sula̱ a̱ tsu,

za na ri ootogu o tsugono nden ɗe zuva?

6 Zane ɗa ri tsa̱ wu na tsu ka̱lyuwa̱ za̱la̱,

we ene ili i na i ri zuva nu uvaɗi?

7 U tsu 'ya̱sa̱n ta̱ a̱za̱ o ulambu

diga o ulambu u le,

a̱vu u 'ya̱sa̱n

aza a na a cigai ikambishi diga e iza̱,

8 u zuwa le a lyuwa

oɓolo na̱ muwun mu ngono,

na̱ muwun mu ngono ma ama e le.

9 U tsu ca ta̱ idari yi ka

tsugbain o u'wa wa̱ yi,

u tsu zuwai ta̱ ma̱za̱nga̱,

tsa mma muwun.

Cuwai a̱ A̱sulazuva.