1 I ɓasa ekere adama a̱ ma̱za̱nga̱

a̱ɗu nɗa suru,

i cana ishipa nu ucira

i cuwa A̱sula̱.

2 A̱sulazuva za na La'ai Tsugbain,

ili i wovon ɗa

a̱yi ɗa mogono ma gbain

za tsugono tsu uvaɗi suru.

3 U ca tsu ta̱ ulyuwu wa aci e ekere a nɗa,

u zuwa ta̱ tsu yuwan tsugono tsa nɗa.

4 U ɗangulaa tsu ta̱ iɗa ya agadu,

iɗa ya afalu ya ama a̱ yi,

ugundo wa Yakubu, vuma na u cigai.

5 A̱sula̱ a̱ ka̱ra̱ ta̱ tyo zuva

o ootogu o tsugono tsa̱ a̱ yi,

a̱vu a yuwan yisaali i ma̱za̱nga̱,

nu wivulu wa avana,

a mantsa ma na A̱sulazuva a̱ ri a̱ ka̱ra̱.

6 I canaa A̱sula̱ ishipa yi ica,

i canaa mogono ma̱ tsu ishipa yi ica.

7 A̱sula̱ a ɗa mogono mo o uvaɗi suru,

i canaa yi ishipa yi ica.

8 A̱sula̱ a̱ ta̱ nden o ootogu

o tsugono tsa akiza a̱ yi

a yuwusan tsugono tsu nɗa.

9 Azagbain a nɗa o ɓoloto ta̱,

o ɓoloto ta̱ oɓolo na̱ a̱tsu.

A̱tsu a ama a̱ A̱sula̱ a Ibrahim,

adama a na ngono mu uvaɗi suru

a̱za̱ a̱ A̱sula̱ a ɗa,

A̱sula̱ a na aa ca tsugbain lon.