1 A̱sulazuva a ɗa upa'atan u va̱.

To cine yaa damma mu,

<<'Yawan tsa manunu

a̱ tyo a masasan!

2 A̱yi ɗa nda a̱za̱ e iwuya a lapulai tan le,

reve o foɓo aya e le,

tsa̱ra̱ a tawan ama a̱ɓula̱ a̱tsuma̱ e irumbu.

3 Ili yi lo i na a̱za̱ a̱ɓula̱ a gura yuwan shi,

nna̱ ili i la̱nga̱.>>

4 A̱sulazuva a̱ ta̱ pe a̱tsuma̱ a̱ A̱a̱'isamapaɗa a akiza a̱yi,

ootogu o tsugono tsa̱ a̱ yi tsa̱ ta̱ ɗe zuva.✝

Esu a̱ yi a̱ te inda a ama uba̱ta̱ suru,

waru u ta zuwusa esu e ili i na vaɗilima̱ a yuwusan.

5 A̱sulazuva a̱ tsu lyungwa̱ ta̱ za va̱ a̱ɓula̱,

na̱ za vi iwuya,

amma u tsu 'yuwan ta̱ aza a na a tsu ciga u'ya̱susa̱n wu ugbozu.

6 U ta̱ lyunguwa̱ a̱za̱ e iwuya na akina,

oɓolo na̱ farinwuta.

Upepu wu usuɗuwu lon,

u to o'wo akunda e le.

7 Adama a na A̱sulazuva za va̱ a̱ɓula̱ ɗa,

u ciga ta̱ linga va̱ a̱ɓula̱,

a̱za̱ a̱ɓula̱ e te ene urewesu wa̱ yi.