1 A̱sula̱, vu uwwa uɗyo u va̱,

a mantsa ma na n ri

adansa ili i na ya̱a̱ ɓa̱la̱ mu,

vu geshe wuma u va̱

e ekere o ulamu wu n'yuwatan n va̱.

2 Vu soko mu e ekere e ifoɓi

yu usokowu wa̱ a̱za̱ e iwuya,

na̱ diga e iɓolo ya aza a na

a yuwusan ulinga wi iwuya.

3 E tewen ta̱ elentsu e le

cine vu revei matsun me pe'eni,

e tewushen idanshi i le cine vu revei

aya i na i ri na̱ tsukono.

4 A tsu pa'an ta̱ a tawan

vuma na ri nu unusu shi,

babu usa̱n a tsu tawan ta̱ babu wovon.

5 A̱ tsu bula̱ a̱tsuma̱ a linga vi iwuya i le shi,

a tsu calai ta̱ adanshi a̱tsuma̱ a maza me iwuya i le.

Usokowu u ɗa a̱ tsu foɓo maza me le,

adansa, <<Zane ɗa a gura e ene le?>>

6 A mantsa ma na o foɓoi iwuya i le,

a tsu damma ta̱,

<<Tsu yuwan ta̱ ifoɓi yi iwuya

i na i ri ulobonu!>>

Amayun okolo a vuma

oɓolo na̱ majiyan ma̱ yi,

a̱ ta̱ usa̱n u mereve.

7 Amma A̱sula̱ a ta tawan le na aya ya̱ yi,

babu usa̱n a ta amaton le.

8 U ta vadala elentsu ele a aci e le

waru u ta̱wa̱a̱ le nu ukototosu,

aza a na e ene nle suru a̱ ta̱ je'en lipu.

9 Ama suru a ta uwwa wovon,

a̱vu a damma ili i na A̱sula̱ a yuwain,

reve fo a yuwan majiyan

me ili i na u yuwain.

10 Lyawa a̱za̱ a̱ a̱ɓula̱ a yuwan ma̱za̱nga̱

a̱ ma̱ka̱ka̱n ma̱ A̱sulazuva,

Waru a zami yu upa'atan ya̱'a̱ yi!

Lyawa aza a amayun o okolo suru a cuwa yi!