1 Cuwa A̱sulazuva!

Cuwa A̱sulazuva, wuma u va̱!

2 N ta cuwa a̱ A̱sulazuva,

a wuma u va̱ suru.

N ta canaa A̱sula̱ a̱ va̱ ica,

a wuma u va̱ suru.

3 She vuma zuwaa azagbain ucira wan,

ko vaɗilima̱ za na aa gura wawa shi.

4 A mantsa ma na wivuwun u le u ka̱ra̱i,

a̱ tsu ka̱mba̱ ta̱ ma̱bula̱ uba̱ta̱ u na o uta̱i,

o urana u ndolo ifoɓi i le,

i tso o'wo ta̱ pere.

5 Za ma̱za̱nga̱ ɗa,

za na A̱sula̱ a Yakubu a ɗa,

ikambishi ya̱ yi,

Za ma̱za̱nga̱ ɗa,

za na uzuwu wo okolo a̱ yi

A̱sulazuva A̱sula̱ a ɗa,

6 za na yuwain zuva nu uvaɗi,✝

na̱ mala ni ili i na i ri pe suru,

za na tsu yuwusan amayun hali hali,

7 za na tsu yuwan uge'etosu,

adama aza a na oo ɓongiyi,

za na tsu ca aza ambulu ilyalya.

A̱sulazuva a tsu wawa ta̱

aza a na a̱ ri o u'wa wa ali fa̱a̱n.

8 A̱sulazuva a tsu zuwa ta̱

nrumba̱ me ene.

A̱sulazuva a̱a̱ tsu 'ya̱sa̱n ta̱,

aza a na o ɓongiyi,

A̱sulazuva a ciga ta̱

a̱za̱ a̱ a̱ɓula̱.

9 A̱sulazuva a̱ ta̱ ka̱lyuwusa̱ omocin,

u tsu kamba ta̱ mkpa'an na̱ nruna̱,

agba u tsu lungusa̱ ta̱

ifoɓi ya̱ a̱za̱ e iwuya.

10 A̱sulazuva a ta yuwan

tsugono hali hali,

a̱vu Sihiyona, A̱sula̱ a̱ wu

a ta yuwan tsugono

diga a mantsa a̱ tyo mantsa mo ro.

Cuwai A̱sulazuva!