1 Za ma̱za̱nga̱ a ɗa vuma na

a yuwayin gafura vu nusu va̱ yi,

za na a tawai nusu va̱ yi.✝

2 Za ma̱za̱nga̱ a ɗa vuma na

A̱sulazuva e kecei nusu va̱ yi shi,

waru u cina yi nu ulambu wa amayun shi.

3 Mantsa ma na koto shi

n dammai nusu va̱ shi,

n kuna̱to ta̱ aciya̱va̱

na̱ a̱bunda̱ e mesun urana ma̱ɓula̱.

4 Adama a na urana na ayin,

ukere wa̱ wu u ta̱ ume aciya̱va̱.

Ucira u va̱ u koto ta̱ babu usa̱n,

cine vu revei anlya o uta̱nu,

a tsu 'yewe ni irana.

5 Ɗaɗa n damma nuwu nusu va̱,

waru n soko nusu va̱ shi.

N damma ta̱, <<N ta damma A̱sulazuva nusu va̱.>>

A̱vu gba vu yuwaan mu gafura vu nusu va̱.

6 Adama o ndolo lyawa aza a na

a̱ ri no okolo a̱ɓula̱

a yuwan avasa a̱ tyo ya̱'a̱ wu,

a mantsa ma addama.

Ko na̱ shi a̱tsuma̱lima̱ a̱ 'yon

cine vu revei mini ma̱ gbain

ma na ma̱ ri a mmalu,

waa rawa uba̱ta̱ ule shi.

7 A̱vu ɗa upa'atan u va̱,

vu ta wawa mu diga e meleshe.

N ta canasa ishipa nu ucira adama e iwawi ya̱ wu,

adama a na vu yuwaan mu ta̱ mapari.

8 A̱vu A̱sulazuva a damma, <<N to rito wu,

waru n roco wu ure u na va̱a̱ kuru.

N ta cawu a̱sa̱la̱,

waru mi idana wu.

9 She vo o'wo ulo tso do ko mololi mo do wan,

amma she no rono yi na̱ rumu na amunga,

nna̱ ne shi oo toni wu shi.>>

10 A̱tsuma̱lima̱ a̱za̱ e iwuya,

a̱ ta̱ a̱bunda̱,

agba aza na a zuwai okolo e le uba̱ta̱ wa̱ A̱sulazuva,

icigi ya̱ yi i na i tsu vadala shi

i tsu yuwaan le ta̱ mapari.

11 I yuwan mere a̱ɗu a̱za̱ a̱ a̱ɓula̱ suru,

i yuwan ma̱za̱nga̱ adama e ili i na A̱sulazuva a yuwain,

a̱ɗu na ya yuwusan tsutoni na̱ yi suru,

i cana ishipa i ma̱za̱nga̱!