1 A̱sula̱, nɗa m ɓa̱ru ta̱ iɗa ya̱ wu.

A̱ lungusa̱ ta̱ A̱a̱'isa̱mapaɗa a akiza a̱ wu,

reve a̱ ka̱mba̱to Urishelima okongo.✝

2 A̱vu a lyawaa nnunu ma zuva a̱kwa̱kwa̱ a̱ lipu va ama a̱ wu o o'wo ilyalya i le,

lipu va ama a̱ a̱ɓula̱ a̱ wu ilyalya yi inama yu una.

3 O oco ta̱ mpasa ma ama a̱ wu cine vu revei mini,

a̱tsuma̱ e iɗa ya Urishelima suru.

Babu vuma na la'ai a na wa̱ ciɗo a̱kwa̱kwa̱'a̱.

4 Tso o'wo ta̱ ili yi izo'oshi uba̱ta̱ wu nron mu nden ntsu,

tso o'wo ta̱ ili ya avandaru uba̱ta̱ wa ama a na a̱ ri uka̱nda̱ruwu na̱ a̱tsu.

5 A̱sulazuva, hali a̱ tyo a mantsa ma̱ ne ma ɗa va̱a̱ da̱na̱ o upan na̱ a̱tsu?

Hali hali ɗa?

Hali a̱ tyo a mantsa ma̱ ne ma ɗa tsushu'un tsa̱ wu

tsa̱a̱ da̱na̱ a̱ ma̱kula̱ tsa a akina?

6 Vu tsuwa̱a̱n nɗa n na n reve nuwu shi upan wa̱ wu,

na̱ tsugono tsa na tse ɗesu ala a̱ wu shi!

7 Adama a na a lyuwa ta̱ limatan va Yakubu nu uvon,

reve a̱ lungusa̱ uba̱ta̱ wu nden wa̱ yi.

8 She vu ge'eto tsu adama a̱ nusu vu nkaya n tsu wan.

Lyawa ve ene iliyali i tsu gogo,

adama a na okolo a̱ tsu a kuɗa ta̱.

9 A̱sula̱ Za vi Iwawi i tsu, vu yuwaan tsu ikambishi,

adama a tsugbain tsa ala a̱ wu.

Vu wawa tsu, vu yuwaan tsu gafura vu nusu tsu

adama a ala a̱ wu.

10 Adama a̱ nye nɗa me ece tsu, <<Te ɗa A̱sula̱ a̱ ɗu?>>

Lyawa tse ene vu tsupaa ta̱ agbashi a̱ wu

e ekere a nɗa n na mo ocoi mpasa n le e esu a̱ tsu.

11 Lyawa ma̱nga̱ ma aza a na a̱ ri o u'wa wa ali

a̱ ta̱wa̱ a̱ ma̱ka̱ka̱n ma̱ wu.

Nu ucira wu ukere wa̱ wu,

vu wawa aza a na e ge'etoi ɗe na oo una.

12 Zagbain, vu tsupa nron mu nden ntsu hali toto cindere,

adama a wisulusa u na e isula nuwu.

13 Amma a̱tsu ama a̱ wu, ikyon ya aguɓa a̱ wu,

tsu to godyowo wu hali hali,

diga mantsa a̱ tyo mantsa,

tsu ta yuwaan wu ica kuci.