1 Olo a tsu damma ta̱ o okolo e le,

<<Babu A̱sula̱.>>*

A̱ la̱nga̱ ta̱ suru nle, a yuwan ta̱ linga vi idaba.

A̱tsuma̱ e le babu za na a yuwusan ulinga u sa'ani.

2 A̱sulazuva a̱ ka̱lyuwa̱ ta̱ vuma diga zuva,

ko u ta̱ tsura̱ ozo o ro a na ri nu ugbozu,

za na ri e izami i na we reve A̱sula̱.

3 Suru nle a lyawa ta̱ ure,✝

suru nle a̱ puwa̱n ta̱,

babu vuma na a yuwusan ili ya̱ a̱ɓula̱,

ko vuma ta̱!

4 Ko a̱ ri nu urevu shi?

A̱za̱ e iwuya suru,

a̱ ri nu urevu shi?

A ta tamusa ama a̱ va̱ cine a tsu tama opopofu,

waru a yuwusan ɗewu uba̱ta̱ wa̱ A̱sulazuva shi.

5 Agba e le ɗa a nda, a da'wain adama o wovon,

adama a na A̱sula̱ oto oɓolo na̱ a̱za̱ a̱ a̱ɓula̱.

6 A̱ɗu a̱za̱ e iwuya,

i tsu lungusa̱ ta̱ ifoɓi ya̱ a̱za̱ o ulambu,

amma A̱sulazuva a ɗa upa'atan u le.

7 Ashe aa damma, iwawi i ta̱ ta̱wa̱ Isra'ila

lyawa u ta̱wa̱ diga Sihiyona wo'o!

A̱sulazuva a̱ ta̱ ka̱mbuwa̱a̱ ama a̱yi na̱ aba'un e le,

ugundo wa Yakubu u ta yuwan ma̱za̱nga̱,

ama a Isra'ila a ta yuwan mere.