1 A̱sula̱, vu vari tsu ta̱,

a̱vu vu lyawa a lyuwa tsu nu uvon.

Vu yuwan ta̱ upan na̱ a̱tsu,

gogo vu ka̱mba̱to tsu!

2 A̱vu ɗa vu jinga̱ɗa̱i iɗa,

a̱vu vu ɓatsa yi.

Gogo vu ciɗo yi

adama a na u ta̱ e meje'en.

3 Vu zuwa ta̱ a ama a̱ wu e ene

mantsa ma̱ a̱tsuma̱lima̱ lon,

vu ca tsu ta̱ masayan ma̱ ina̱bi

za na tsura̱to ntsu.

4 Amma e ekere aza a na a uwwusa wovon wa̱ wu,

vu 'ya̱sa̱n ta̱ atuta

tsa̱ra̱ a la'a o una̱ wi ibata. Wivuwun

5 Vu wawa tsu,

a̱vu vu kamba tsu

nu ukere wa̱ wu.

Adama aza a na vu ri e icigi

a̱ tsura̱ iwawi.

6 A̱sula̱ a yuwan ta̱ adanshi

diga uba̱ta̱ wa akiza a̱ yi,

u damma <<Nu ulyuwu wa aci u ɗa me ne'eshe Shekem

a̱vu n rito woo a ama a̱ va̱ Uka̱ri wa̱ Sukot.

7 Upasu wa Giliyadu za va̱ ɗa,

Manase fo za va̱ ɗa,

Ifiramu ɗa eegbezu a̱ rumu a̱ va̱,

Yahuza waru aaɗanga o tsugono tsa̱ va̱.

8 Amma n to o'wo oto iɗa ya Mowa asa'atsu a̱ va̱,

Edom waru uba̱ta̱ u na maa varishi atan a̱ va̱,

n ta yuwan yisaali yu ulyuwu wa aci

a aci aza a Filistiya.>>

9 Zane ɗa a̱ 'ya̱wa̱to mu

a̱ lyuci vu ukari vu ucira?

Zane ɗa o rono mu aɗanga

a̱ tyo e iɗa ya̱ Edom?

10 A̱sula̱, a̱vu ɗa vu 'yuwan ntsu,

a̱vu vu 'yuwan o uta̱ oɓolo na̱ a̱soja a̱ tsu shi?

11 Vu yuwaan tsu ikambishi

e ekere a n'yuwatan,

adama a na ikambishi yi vaɗilima̱

ili ye pere i ɗa.

12 Ni ikambishi ya̱ A̱sula̱,

tsu ta lyuwa a aci,

waru u ta dadasa n'yuwatan n tsu.