1 A̱tsuma̱ A̱tsuma̱lima̱ a̱ va̱,

n ɗe ta̱ A̱sulazuva,

waru u usu mu ta̱.

2 <<A̱sulazuva, wawa mu,

diga a̱ na̱ va a̱za̱ e epen,

na̱ elentsu a̱za̱ a̱ a̱lumu.>>

3 Nye waa yuwaan ɗu?

Cu'un vu uge'etosu u ne ɗa waa yuwaan ɗu

a̱ɗu a̱za̱ a̱ a̱lumu?

4 U ta̱ ge'eto ɗu,

na aya a wali ali o uvon,

na̱ akinkina a madala!

5 Wo yo'ono mu shi!

A na n ri na̱ nden ɗe Meshek,

a na n ri na̱ nden a̱tsuma̱ ogodo a Keda.

6 N juma ta̱ na̱ nden lon,

oɓolo na ama a na a cigai

asuvu nden shi!

7 A̱mu vuma va asuvu nden a ɗa,

agba na̱ n yuwan adanshi,

a̱vu aza a na a cigai asuvu nden shi

e reme uvon.