1 Na̱ shi adamma A̱sulazuva a̱ ri oɓolo na̱ tsu shi,

Nye i shi a cina tsu?

Lyawa Isra'ila usu a damma!

2 <<Na̱ shi a damma A̱sulazuva a̱ ri oɓolo na̱ tsu shi,

a mantsa ma na n'yuwatan n riya̱a̱ ntsu,

3 a̱ shi ta̱ o soɗu tsu wuma a mantsa mo ndolo,

adama o upan wu usuɗuwu u na

a̱ da̱na̱i a yuwusan na̱ tsu,

4 a̱ shi ta̱ a̱ da̱na̱ tsu upan u mini ma gbain a̱ purusa̱ tsu,

a̱ shi ta̱ o soɗu tsu tsa̱ mini,

5 waru upan u le u shi ta̱ o soɗu tsu

tsa̱ mini ma na ma yuwain upan.>>

6 Ica a̱ tyo uba̱ta̱ wa̱ A̱sulazuva,

za na kuɗa̱i a ca tsu e ekere le

na a kakara tsu na anga le

tsi inama yu una wan.

7 Wuma u tsu u ta̱ tsa manunu,

manunu ma na ma̱ fa̱tsa̱i a maza.

Diga a maza ma na ma kasai,

reve a̱ tsu gba tsu fa̱tsa̱.

8 Ikambishi i tsu i ta̱

a̱tsuma̱ a ala a̱ A̱sulazuva,

za na yuwain zuva ni iɗa.